/library/oar/handle/123456789/141458 2026-05-24T02:44:22Z 2026-05-24T02:44:22Z Spagnol, Michael /library/oar/handle/123456789/141563 2025-11-21T14:49:22Z 2024-01-01T00:00:00Z

Title: Riċerkaturi : Ħarġa 6 Authors: Spagnol, Michael Abstract: - Flimkien: Michael Spagnol; - Il-mara tal-antieroj : il-figura femminili u l-iżvolġiment tal-antieroj fil-letteratura moderna: Shannon Fenech; - In-nomi inaljenabbli fil-Malti: Sumeia El Raes; - Minn rumanz għal film : il-fedeltà fl-adattament: Louisiana Micallef; - Il-ġens grammatikali tal-pandemija Covid-19: Amy Christine Pace; - Ir-rumanzi dwar is-snin tmenin minn lenti kontemporanja: Ilona Sciberras; - L-intensitajiet spiritwali fil-ġabra Għera ta’ Gioele Galea: Marla Xuereb

2024-01-01T00:00:00Z Fenech, Shannon /library/oar/handle/123456789/141540 2025-11-21T11:03:21Z 2024-01-01T00:00:00Z

Title: Il-mara tal-antieroj : il-figura femminili u l-iżvolġiment tal-antieroj fil-letteratura moderna Authors: Fenech, Shannon Abstract: Din ir-riċerka tinkorpora żewġ oqsma kritiċi fil-qasam letterarju; il-qasma bejn il-ġeneri f’relazzjoni mal-karattru antieroj tal-Modernisti. L-ewwel nett, id-dikotomija bejn is-sessi toffri suġġett kritiku ta’ diskussjoni li ilu jippersisti għal numru ta’ snin, tant li diġà jinstab fi wħud mill-aktar testi u rakkonti antiki, bħalma huma l-Bibbja u l-istejjer tal-mitoloġiji differenti. Dan il-ħsieb aktar ’il quddiem fis-snin ġie preżentat fix-xogħlijiet tal-Femminista Simone de Beavouir, li fl-istudju tagħha tosserva kif il-mara ssir ‘l-ieħor’, filwaqt li tgħarbel il-kundizzjonijiet li l-mara kellha toqgħod għalihom, sabiex tissawwar bħala oġġett doċli u sottomess, hekk kif riditha s-soċjetà patrijarkali. Din l-inġustizzja fuq il-mara baqgħet persistenti saħansitra anke fil-letteratura Moderna Maltija minkejja l-pożizzjoni suppost rivoluzzjonarja li kellhom jieħdu l-kittieba ta’ dik l-epoka. L-istudju tiegħi juri li mqar mal-introduzzjoni tal-antieroj fin-narrattiva Maltija, il-mara xorta baqgħet tiġi proposta minn lenti misoġinista li tillimitalha l-ispazju għall-progress filwaqt li takkomoda lis-soċjetà maskilista, għaliex tista’ tinqeda biha għall-vantaġġ tagħha, sabiex b’hekk il-figura maskili tibqa’ bla tebgħa tad-dnub.

2024-01-01T00:00:00Z Spagnol, Michael /library/oar/handle/123456789/141537 2025-11-21T10:40:03Z 2024-01-01T00:00:00Z

Title: Flimkien Authors: Spagnol, Michael Abstract: Teżi tinħadem bejn tnejn. Fuq il-qoxra jidher isem l-istudenti. Biss, f’kull pass tal-vjaġġ ikun hemm it-tuturi li jsegwuhom mill-qrib, jgħinuhom jgħaqqdu l-ideat, iżellqulhom il-mistoqsijiet, jinbxulhom il-kurżità, inkella jagħtu kelma ta’ kuraġġ, li spiss ma tkun kelma xejn, imma ħarsa, taptipa, jew imqar wiċċ jitbissem imħarbex fil-marġin tal-ewwel kapitlu.

2024-01-01T00:00:00Z El Raes, Sumeia /library/oar/handle/123456789/141535 2025-11-21T10:29:48Z 2024-01-01T00:00:00Z

Title: In-nomi inaljenabbli fil-Malti Authors: El Raes, Sumeia Abstract: F’dan l-artiklu nistħarreġ in-nomi inaljenabbli fil-Malti, jiġifieri nomi li jesprimu rabta sfiqa jew relazzjoni permanenti mal-possessur tagħhom, li ġeneralment jirreferu għal oġġetti marbutin intrinsikament mal-possessur, bħall-partijiet tal-ġisem (eż. rasha, qalbu), il-membri tal-familja (eż. oħti, nannuk), u elementi innati (eż. leħnu, dellha). Il-possessjoni inaljenabbli hija “tip ta’ kostruzzjoni possessiva li fiha l-oġġett ippossedut ġeneralment ma jistax jinfired mill-possessur” (Trask, 1993). Fil-Malti, dan isir b’żewġ modi ewlenin: b’mod sintetiku, bil-pronom mehmuż man-nom possedut, bħall-eżempji t’hawn fuq, jew bil-binja analitika, magħmula mill-prepożizzjoni ta’ bejn il-possedut u l-possessur (eż. l-uffiċċju tad-direttur) jew l-istat kostrutt (eż. xagħar it-tifla).

2024-01-01T00:00:00Z