/library/oar/handle/123456789/51299 2025-11-10T18:35:41Z 2025-11-10T18:35:41Z /library/oar/handle/123456789/51464 2020-05-28T07:54:57Z 2018-01-01T00:00:00Z

Title: Id-dixxiplu li habb Gesu' : l-anonimita' u l-identita' fir-raba' Evangelju Abstract: Mhux faċli tittratta l-preżentazzjoni tad-dixxiplu enigmatiku identifikat fir-Raba’ Evanġelju bil-klawsola: “li kien iħobb Ġesù.” Ir-raġuni għal dan huma l-ħafna kwestjonijiet li hemm marbuta mal-interpretazzjoni tal-preżenza ta’ dan il-personaġġ f ’din in-narrativa. Fost dawn il-kwestjonijiet li għadhom qed jirċievu attenzjoni minn numru ta’ studjużi ta’ dan l-Evanġelju hemm l-anonimità ta’ dan il-personaġġ u r-rwol tiegħu fl-istess narrativa. F’dan l-artiklu sejrin nippruvaw nesploraw ir-rabta li hemm bejn l-anonimità u l-identità, b’enfasi speċjali fuq id-dixxiplu li kien iħobb Ġesù bħala x-xhieda wara n-narrativa tar-Raba’ Evanġelju.

2018-01-01T00:00:00Z /library/oar/handle/123456789/51461 2020-06-01T07:18:50Z 2018-01-01T00:00:00Z

Title: L-ezorcizmi ta' Gesu' fil-vangelu skont San Mark (3) Abstract: Il-Vanġelu nifhmuh aħjar jekk inkunu nafu għal min kiteb San Mark. Dan il-Vanġelu nkiteb għal dawk l-Insara li ma kinux ġejjin mill-ġudajiżmu, jiġifieri għal dawk li ma kinux ta’ nisel Lhudi. Għalhekk insibu ftit riferimenti għall-profeziji tal-Antik Testment; it-tradizzjonijiet Lhud iridu jiġu mfissra, l-Aramajk tradott; tingħata importanza għas-sinifikat tal-Vanġelu għall-pagani. Il-Vanġelu huwa miktub mhux tant fl-ambjent tal-Art Imqaddsa, imma f ’ambjent u f ’kuntest li huwa lingwistikament u kulturalment differenti; jiġi miktub għad-dinja u għall- Knisja Latino-Ellenistika. San Mark jieħu għalhekk ħsieb jippreżenta l-misteru tas-salib lill-komunità nisranija ġejja mill-paganiżmu. Il-komunità nisranija hija mmexxija biex tagħraf aktar lil Ġesù Kristu, u dan b’mod partikulari fil-mixja warajh fir-realtà tas-salib, fil-kuntest konkret ta’ persekuzzjoni. Fis-Salib tal-Imgħallem, huma mistiedna jagħrfu l-Iben ta’ Alla u l-opra tiegħu. U ta’ dan, huma wkoll isiru xhud u missjunarji tal-Bxara t-Tajba, bħalma sar ir-raġel meħlus mill-ispirti l-ħżiena, fir-reġjun tad-Dekapoli, kif rajna fil-ħarġa li għaddiet.

2018-01-01T00:00:00Z /library/oar/handle/123456789/51379 2020-06-01T07:19:45Z 2018-01-01T00:00:00Z

Title: L-Ghadira tal-Galilija qed tinxef? Abstract: Il-Baħar tal-Galilija ma għadux jidher li qisu baħar. Magħruf b’diversi ismijiet, fosthom l-Għadira ta’ Tiberija, Kinneret, jew l-Għadira ta’ Ġennesaret, fis-sena 2017 kien niżel għall-aktar livell baxx f ’seklu, skont il-kalkoli tal-Israeli Water Authority. Huma eluf il-pellegrini li jitpaxxew bix-xtut ta’ din l-Għadira. Tassew, skont l-Evanġelji, din l-Għadira kienet wieħed mill-postijiet preferuti ta’ Ġesù: is-sit ta’ bosta qabdiet mirakolużi ta’ ħut, tal-mirakli tat-tkattir tal-ħobż, il-post li fih Ġesù rrivela lilu nnifsu lid-dixxipli. Imma llum din l-Għadira hi differenti ħafna minn dik li kien jaf Ġesù.

2018-01-01T00:00:00Z /library/oar/handle/123456789/51375 2020-06-01T10:13:31Z 2018-01-01T00:00:00Z

Title: Lehen l-Art Imqaddsa : Numru 201 : Lulju-Settembru : 2018 Abstract: Rivista Biblika li toħroġ kull tliet xhur mill-Kummissarjat tal-Art Imqaddsa tal-Provinċja Franġiskana Maltija.

2018-01-01T00:00:00Z