/library/oar/handle/123456789/31480 2026-06-10T21:55:52Z /library/oar/handle/123456789/32761 Title: Evangelizzazzjoni effettiva u awtentika Authors: Mifsud, Noel Abstract: Hemm diversi aspetti u fatturi li jiddeterminaw u jiddistingwu evanġelizzazzjoni effettiva u awtentika, minn xandir tal-Kelma li ma jġib ebda differenza reali u pożittiva fil-ħajja ta' dawk li jirċievuha. Għal dan il-għan se nkun qiegħed nesponi ħsibijiet dwar kif l-evaġelizzazzjoni fid-dinja post-moderna tista' tkun effettiva fost dawk l-aktar li jeħtieġuha. Għalkemm kull bniedem għandu bżonn urġenti li jisma' l-aħbar ta' salvazzjoni li ġab ilna Sidna Ġesu Kristu, se niffoka l-aktar fuq dawk li mhux neċessarjament iħossuhom "tal-Knisja" jew qrib il-Knisja. Filwaqt li metodi tradizzjonali ta' evanġelizzazzjoni jistgħu jaħdmu ma' dawk li huma ta' "ġewwa': wisq nibża' li għall-bqija, il-mod ta' kif qed inwasslu l-Evanġelju bħalissa, huwa ftit jew wisq aljen għalihom. 2016-01-01T00:00:00Z /library/oar/handle/123456789/32211 Title: Messagg tal-gheluq mill-Arcisqof ta' Malta Abstract: Kif innutajtu, jiena għażilt li ma nitkellimx f'dawn it-tliet ijiem li għaddew, anke għaliex inħoss li l-proporzjon bejn il-kelma tiegħi u s-smigħ għandu jkun dan, li jiena nisma' iżjed milli nitkellem, u li biex nitkellem u jkolli d-dritt nitkellem irrid nisma' iżjed. Nisma' wkoll l-uġigħat ta' min iweġġa' għaliex nitkellem, u li tagħtini responsabbilta kbira li mhix faċli. Jiena għadni mmeraviljat kemm ċerti reazzjonijiet fil-poplu tagħna għadhom reazzjonijiet antiki. Dinhijaxiħaġaliaħnarridunirriflettuħafna dwarha fis-Sena tal-Ħniena, Sena li, anke f'dan il-qasam, ma tridx tiġi għal xejn. Hemm ħafna weġgħat li rridu ndewwuhom. Jiena għedt diġa pubblikament li ma nistax inkun paralizzat fil-passat imma nifhem li hemm responsabbilta kbira li rridu nġorruha flimkien. Fr John Berry għamel kumment li jġagħlni naħseb ħafna dwar jekk għadux il-mument li jkollna 'l-kult talArċisqof'. Naħseb li rridu nagħmlu għażliet li juru ċar u tond li it's not about me, it's about us! Dan ma jfissirx li jiena jkolli ħajja iżjed faċli, imma iżjed ikkomplikata, għaliex ifisser li d-deċiżjonijiet li nieħu jridu jkunu f'sintonija, b'mod speċjali magħkom. 2016-01-01T00:00:00Z /library/oar/handle/123456789/32210 Title: Hielsa permezz tal-hniena ta' Alla nahdmu bil-kliem u l-fatti ghall-gustizzja Authors: Camilleri, Ronald Abstract: li-mument ta' skiet fil-bidu ta' din il-preżentazzjoni kien intenzjonat. Ir-reazzjoni għas-silenżju tista' tkun waħda ta' skumdita. Stħajjiltkom issaqsu lilkom infuskom, "Dan għalfejn għadu ma qal xejn?" L-iskumdita tas-silenzju nistgħu nħossuha aħna l-insara meta ma nitkellmux fuq ċerti issues. Fost ir-raġunijiet li ma nitkellmux jista' jkun hemm dawn: inkunu mehdijin b'affarijiet oħra; ma nagħrfux inġustizzja li tkun qed isseħħ fid-dawl tax-xemx għax ma nkunux nafu naqraw issintomi tal-inġustizzja; inkunu iktar komdi jekk ma nħallux lilna nfusna ftit mumenti biex nindunaw bl-inġustizzja. Iżda għannisrani l-iskumdita hija importanti għax ma tħalliniex kwieti. Irridu nkunu skomdi meta suppost inkunu għamilna xi ħaġa fil-qasam tal-fidi u l-ġustizzja u ma nkunux għamilniha. likliem "kont bil-guħ u tmajtuni, kont bil-għatx u sqejtuni, kont barrani u lqajtuni, eċċ ... .': huwa kliem li jbeżżagħni. Bħalma darba ntqal, dan il-kliem qisu karta tal-eżami li ġiet illijkjata elfejn sena ilu. Nafu l-mistoqsijiet. Imma mhux biss. Nafu wkoll ir-risposti. X'qed nagħmlu biex nagħtu r-risposti t-tajba meta jasal il-ħin tagħna? 2016-01-01T00:00:00Z /library/oar/handle/123456789/32209 Title: Disinn gdid ghall-vizjoni ta' Knisja Authors: Camilleri, Rene Abstract: Edith Stein meta staqsewha kif ikkonvertiet, wieġbet: "This is my secret". L-evanġelizzazzjoni mhux neċessarjament x'nagħmlu aħna, u kif inwasslu l-Kelma, imma x'jiġri fil-ħajja u l-qalb tan-nies - appuntu, kif isseħħ mixja lejn fidi matura. IlProgramm ta' din il-ġimgħa beda b' analiżi tal-bidliet kulturali, politiċi u soċjo-ekonomiċi. L-ewwel reazzjoni tiegħi meta rajt il-Programm kienet: "U kemm se ndumu nanalizzaw?" Fl-aħħar mill-aħħar it-tema tal-Aġġornament hi Minn Viżjoni għarRealta mhux il-kontra. L-analiżi mhux dejjem se naqblu fuqha, imma l-isfida tagħna hi li naqblu fuq viżjoni. Ma naffordjawx nieqfu fl-analiżi, jew agħar minn hekk nisfaw vittmi ta' dibattiti interminabbli dwar ir-realta. 2016-01-01T00:00:00Z