Ir-realtà li toħloq il-letteratura

Abstract

F’dan l-istudju l-awtriċi tistħarreġ, fost l-oħrajn, x’differenza hemm, jekk hemm, bejn il-lingwa li nużaw biex nikkomunikaw waqt it-taħdit ta’ kuljum u l-lingwa li nħaddmu fil-letteratura. Hawnhekk, il-kunċett tal-letteratura jinftiehem bħala l-użu speċjali tallingwa f’xogħlijiet mistħajla li jiddefamiljarizza dak li jirrappreżenta bl-għan li l-lingwa tħalli effetti differenti u tawmenta l-esperjenza tal-qarrejja waqt il-qari. Barra minn hekk, se tistħarreġ ir-relazzjoni bejn ir-realtà kif tidher fil-letteratura u r-realtà akbar li ngħixu ta’ kuljum. F’xi partijiet, biex tapplika l-kontenut teoriku għal test letterarju konkret, se tagħti eżempji mir-rumanz Castillo ta’ Clare Azzopardi.