Pampaluni tal-bizzilla f’Ta’ Sannat seklu għoxrin

Abstract

Meta mmorru l-knisja speċjalment fi żmien ta' festa, ftit nagħtu kas ta' l-oġġetti sagri li naraw madwarna. Dan għaliex ma nkunux nafu l-istorja tagħhom u b'kemm ħila jkunu ġew akkwistati. Minn fost teżori ta' bizzilli fil-parroċċa ta' Sannat, din id-darba nsemmi biss it-tlett trieħi li jintramaw fi żmien il-Kuranturi, waħda fuq l-artal tat-titular jiġifieri ta' Santa Margerita, oħra fl-artal tal-Kurċifiss u l-oħra fl-artal tar-Rużarju. Bħala disinn tal-bizzilla dawn it-trieħi huma l-istess it-tlieta li huma, jiġifieri maħduma b'festuni jimxu ta' għeneb , żbul u triangulu tat-Trinitaċ; il-festun tal-kantunieri fih warda. Jingħażlu ta' liema artal huma għax fin-nofs ta' l-artal tal-Kurċifiss hemm Salib, f'tar-Rużarju hemm l-isem tal-Madonna, u f'ta' Santa Margerita hemm il-Palma. Kull terħa fiha ħames metri u nofs (5.5m) tul ta' bizzilla maħduma b'ħajt fin tal-għażel abjad fejn jispikkaw fihom il-Punti tradizzjonali tal-Balla.