Stħarriġ nazzjonali fuq il-qagħda lingwistika f’Malta

Abstract

F’dan l-artiklu nagħtu ħarsa lejn ir-riżultati tal-istħarriġ li għamel il-kunsill tal-Malti mad-dipartiment tal-Malti fl-Università fuq l-użu tal-Malti u l-Ingliż f’sitwazzjonijiet soċjali differenti. Kien ilu jinħass il-bżonn ta’ riċerka empirika aġġornata fuq is-sitwazzjoni lingwistika lokali. Snin ilu saru xi studji, imma kien għadu ma sarx stħarriġ wiesa’ li jkopri l-użu tal-lingwa f’sitwazzjonijiet differenti, mid-dar sal-post tax-xogħol, u li jistħarreġ ukoll il-preferenzi tal-Maltin f’kuntesti varji, bħal liema verżjoni jippreferu jaqraw meta jirċievu fuljett bilingwi, jew b’liema lingwa jsegwu l-aħbarijiet fuq l-internet u l-mezzi tal-istampa u x-xandir.