Editorjal : fundamentalizmu Islamiku

Abstract

Matul dawn l-aħħar xhur inħsadna bl-aħbarijiet ta’ gwerer u terroriżmu li qed iseħħu fis-Sirja u l-Iraq minn elementi estremisti Islamiċi li sejħu lilhom infushom ISIL (Islamic State of Iraq and the Levant) jew ISIS (Islamic State of Iraq and Syria). F’daqqa waħda d-dinja donnha qamet għal ħolma kerha li fiha rat estremisti Islamiċi jaqtgħu l-irjus ta’ ġurnalisti barranin b’metodi barbari li jkexkxu, ikeċċu eluf ta’ Kristjani mis-Sirja u ta’ Musulmani ta’ diversi gruppi differenti mis-Sunniti mill-Kurdistan, jokkupaw raffinariji taż-żejt u jiġbru miljuni ta’ dollari mill-bejgħ tiegħu u mill-alleati tagħhom f’pajjiżi Għarab, u jgħaqqdu magħhom eluf ta’ simpatizzanti li ġew mill-Ewropa ħalli jiġġieldu l-gwerra qaddisa favur l-Islam.