Kultura jew folklor? : suggerimenti multimodali ghall-klassijiet tas-seba' sena

Abstract

Din ir-riċerka se turi kif minn tmien skejjel, żewġ skejjel indipendenti biss jagħmlu lezzjoni tal-kultura f’lezzjoni għaliha, filwaqt li fi skola tal-Istat u oħra tal-Knisja jorbtu l-lezzjonijiet tal-kultura ma’ oqsma u ħiliet oħra tal-Malti. L-erba’ skejjel l-oħra ma jagħmlu l-ebda lezzjoni tal-kultura : la -b’mod separat u lanqas marbuta ma’ xi qasam jew ħila tal-Malti. Madankollu, dawn l-għalliema, inkonxjament semmew aspetti milli kultura li inkludew matul xi lezzjonijiet milli għamlu mal-istudenti tas-seba’ sena. Dan qaluh f’waħda mill-mistoqsijiet tal-intervisti dwar li lezzjonijiet li għamlu u li interessaw lill-istudenti. Apparti minn hekk, darbtejn fis-sena, l-iskejjel kollha jagħmlu preżentazzjoni f’forma ta’ proġett li jkun marbut ma’ aspett mill-kultura : il-folklor Malti.

Dan l-istudju juri kif mill-osservazzjonijiet u mill-intervisti, ħareġ li għall-għalliema u l-istudenti tas-seba’ sena l-unika kultura Maltija li teżisti hija aspetti mill-folklor Malti, ħafna drabi folklor li ilu mejjet is-snin li lanqas l-għalliema qatt ma jkunu esperjenzaw f’ħajjithom. Għaldaqstant, fid-dawl tal-analiżi u l-letteratura nħolqu suġġerimenti pedagoġiċi li jgħinu lill-għalliema fil-preparazzjoni tal-lezzjonijiet tal-kultura b’mod separat, kif ukoll marbuta ma’ xi qasam jew ħila tal-Malti biex anke tinstab soluzzjoni għal min stqarr li ma jagħmel l-ebda lezzjoni tal-kultura. Is-suġġerimenti jiffukaw ukoll fuq ideat multimodali ta’ kif jistgħu jsiru aħjar il-proġetti f’dan il-qasam.